mwendelezo 2

 Sehemu ya pili: muendelezo wa post inayohusu "HUU NDIO UKWELI JUU YA KANISA ALILOLIANZISHA KRISTO"

PETRO ANASIMAMA KUMUWAKILISHA KRISTO MOJAKWAMOJA KWA KANISA LAKE LINALOSAFIRI HAPA DUNIANI. NDIYO KUSEMA KWAMBA KRISTO KABLA YA KUFA ALIMTEUA PETRO ALISIMAMIE KANISA LAKE HAPA DUNIANI KWA NIABA YAKE. HIVYO BASI, KANISA ANALOLIONGOZA NA KULISIMAMIA MTUME PETRO NDILO KANISA LA KWELI LILILOANZISHWA NA KRISTO MWENYWEWE. 

  KWAVILE MTUME PETRO KAMA ILIVYO KWA BINADAMU WENGINE, ALIKUFA; KWAHIYO JUKUMU ALILOKUWA ANALIBEBA LA KULIONGOZA KANISA LA KRISTO, ILIBIDI IENDELEZWE KWA KUMTEUA MTU ATAKAYE SHIKA NYAZIFA YA PETRO (YAANI ATAKAYEKIKALIA KITI CHA MTUME PETRO) MIONGONI MWA WAAMINI. UTARATIBU HUU UNGEENDELEA VIZAZI KWA VIZAZI PALE ITAKAPOTOKEA KIONGOZI HUYO AMEKUFA. 

  HIVYO, UTARATIBU HUO WA KURITHISHANA MAMLAKA KWA KITI CHA MTUME PETRO ULIENDELEZWA KARNE KWA KARNE TOKEA KARNE YA KWANZA MPAKA SASA AMBAPO KANISA ZIMA HUKAA KWA UMOJA NA KWA KUSALI HUKU LIKIONGOZWA NA ROHO MTAKATIFU LINAMCHAGUA KIONGOZI MMOJA ATAKAYESHIKA NYAZIFA YA MTUME PETRO( ATAKAYE KIKALIA KITI CHA MTUME PETRO) YAANI BABA MTAKATIFU ALIYE KHALIFA WA MTUME PETRO.

            ALAMA AU SIFA ZA KANISA KRISTO                                                   ALILOLIANZISHA

LICHA YA KUWEPO NA MFUMUKO WA MAKANISA YANAYOANZISHWA NA WATU KILAKUKICHA NA HIVYO KUPELEKEA KUWEPO NA SINTOFAHAMU JUU YA LIPI KANISA HALALI ALILOLIANZISHA KRISTO; KANISA LA KRISTO ALILOLIANZISHA LINA ALAMA ZIFUATAZO:

                   KANISA HILO NI MOJA

TUTAMBUE KWAMBA KRISTO HAKUANZISHA MAKANISA, BALI ALIANZISHA KANISA (NITALIJENGA KANISA LANGU... Mt 16:18)

KRISTO ANATUMIA NAFSI YA KWANZA UMOJA "NITALIJENGA KANISA LANGU..." KUDHIHIRISHA KUWA KANISA LAKE LITAKALO JENGWA JUU YA MWAMBA, YAANI PETRO NI MOJA TU "KANISA" NA MUANZILISHI WAKE NI MMOJA TU NAYE NI KRISTO MWENYEWE "NITALIJENGA" NA WALA SIYO NABII FULANI AU ASKOFU FULANI, AU MCHUNGAJI FULANI, N.K. 

INGAWAJE SASA KUMEIBUKA WIMBI LA MFUMUKO WA MAKANISA, KILA MTU ANAIBUKA NA KUANZISHA KANISA LAKE ANAVYOJISIKIA NA KADIRI YA MTAZAMO WAKE BINAFSI. 

   KANISA KAMA ASEMAVYO MTUME PAULO NI MWILI WA KRISTO (WALA SI MIILI YA KRISTO) KWASABABU KAMA VILE MWILI ULIVYO MMOJA UKAUNGANIKANA NA KICHWA, VIVYO HIVYO NA KANISA ALILOLIANZISHA KRISTO NI MOJA( MWILI WA KRISTO, AMBAPO KRISTO NDIYE KICHWA CHA HUO MWILI). UMOJA HUU WA KANISA UNAJIDHIHILISHA KATIKA USIMAMIZI NA UONGOZI MMOJA WA KANISA ZIMA CHINI YA KHALIFA WA PETRO YAANI BABA MTAKATIFU AMBAYE KWAKE AMEPEWA DHAMANA NA KRISTO KULICHUNGA KANISA ZIMA ALILOLIANZISHA(KRISTO) "CHUNGA KONDOO WANGU" (Yoh 21:16).

     Itaendelea katika post inayofuata(tar 4/9/2020)